د طالبانو حکومت امنیتي سرچینو بيبيسي ته ویلي، چې د بدخشان په نسي ولسوالۍ کې د طالبانو ناراضي قوماندان جمعهخان فاتح تېره شپه له خپلو وسلهوالو کسانو سره له غرنیو مورچلو ښکته شوی دی.
سرچینې وايي، فاتح له یوې هوکړې وروسته د طالبانو د پوځ له لوی درستیز فصیحالدین فطرت سره یوځای شوی او د دواړو لورو ترمنځ خبرې لا هم روانې دي.
د هوکړې بشپړ جزیات نه دي خپاره شوي، خو امنیتي سرچینې وايي، د فاتح د کسانو بشپړ بېوسلې کول د هوکړې له مهمو شرطونو څخه دي.
په وروستیو ورځو کې د طالبانو ځواکونو او د جمعهخان فاتح د کسانو ترمنځ په نسي او د بدخشان په ځینو نورو سیمو کې د نښتو راپورونه ورکړل شوي وو. فاتح مخکې په یوه غږیز پیغام کې د شخړې د حل لپاره د خبرو غوښتنه کړې وه.
بيبيسي وايي، تر اوسه یې په دې اړه د جمعهخان فاتح یا د هغه د ملګرو نظر نه دی ترلاسه کړی.
