ملګرو ملتونو د خوړو نړۍ وال پروګرام (WFP) لوړپوړي چارواکي ویلي، چې د لارو تړل کېدو او جګړو له امله رامنځته شوې ګډوډۍ په افغانستان کې د خوراکي مرستو بهیر سخت اغېزمن کړی او له کبله یې شاوخوا یو میلیون نور ماشومان د خوارځواکۍ له جدي خطر سره مخ دي.
د د خوړو نړۍوال پروګرام د مرستیال اجرائیوي رئیس «کارل سکاو» ویلي، چې د لېږد په لارو کې د ځنډ، د لګښتونو زیاتوالي او د اکمالاتي زنجیر د ګډوډۍ له امله دغه اداره نه ده توانېدلې خپل ټاکلی هدف په بشپړ ډول ترلاسه کړي.
هغه زیاته کړې، چې د سږ کال لپاره د تمویل له هدفه یوازې ۸ سلنه تر اوسه ترلاسه شوې، چې دا وضعیت په افغانستان کې د بشري مرستو د راتلونکي په اړه جدي اندېښنې راپورته کوي.
د راپور له مخې، د جګړو او د لارو د بندېدو له امله د خوراکي توکو او سون توکو بیې لوړې شوې او د مرستو رسولو بهیر لا هم له ستونزو سره مخ دی.
د خوړو نړۍ وال پروګرام وایي، که دا خنډونه نه وای، نو کولی شول په افغانستان کې یو میلیون نور ماشومان له خوارځواکۍ وژغوري.
