په ننګرهار ولایت کې د کمپیوټر ساینس د وروستي سمسټر دوو محصلینو د یو کال په موده کې د پیغامرسونې یو نوی اپلېکېشن جوړ کړی، چې دوی یې د واټساپ د بدیل په توګه وړاندې کوي.
د یاد پوهنتون د کمپیوټر ساینس پوهنځي زدهکړیالان وسیعالله او اکرامالله وايي، دغه اپلېکېشن یې د اوږدې مودې هڅو او تخنیکي کار وروسته جوړ کړی دی.
د دوی په وینا، په دغه اپلېکېشن کې داسې نوې ځانګړتیاوې شاملې دي چې د واټساپ له ځینو اسانتیاوو هم غوره او پرمختللې ګڼل کېږي.
محصلین زیاتوي، چې د دې پروژې موخه د محلي ټکنالوژۍ پراختیا او د نړۍ والو پیغامرسونې سافټویرونو په کچه یو بدیل رامنځته کول دي.
بلخوا، د ټکنالوژۍ کارپوهان وایي، چې په افغانستان کې ګڼو ځوانانو ورته نوښتونه کړي، خو د ملاتړ نشتون او اقتصادي ستونزې د ډېرو پروژو د پرمختګ مخه نیولې ده.
