د پاکستاني رسنیو د راپورنو له مخې، د پاکستان ټول پور ۸۱ زره ټریلیون روپیو ته رسېدلی دی. په دغه اندازه پور کې ۲۶ زره ټریلیونه بهرنی او ۵۵ زره ټریلیون کورنی پور دی.
د معلوماتو له مخې، د پاکستان شاوخوا ۲۵۰ میلیونه نفوس له مخې، هر وګړی شاوخوا درې لکه ۲۵ زره پاکستانۍ کلدارې قرضداري دي.
د اقتصادي چارو شنونکي وایي، چې یاد پور د پاکستان پر اقتصاد جدي فشار راوړي او د عامو خلکو ژوند یې په بېلابېلو برخو کې سخت اغېزمن کړی دی.
دا په داسې حال کې ده، چې څه موده وړاندې یاد هېواد د خپلو زیاتو قرضونو په بدل کې پر سعودي عربستان خپلې اېف ۱۶ جنګي الوتکې او نور نظامي تجهیزات وپلورل.
په ورته مهال پاکستان کې تازه د تېلو سربېره د خوراکي او غیرې خوراکي توکو بیې د منځني ځتیځ د شخړو او افغانستان سره د لارو تړل کېدو له امله په بې سري توګه لوړې شوې دي.
پاکستان کې دا مهال د یو لېټر ډیزلو بیه شاوخوا ۵۲۰ روپۍ او د پټرولو بیه شاخوا ۴۵۸ روپیو ته لوړې شوې دي.
په همدې حال کې د پاکستان تر استعمار لاندې د پښتونخوا او بلوچستان ایالت فعالین وایي، چې د یادو قرضونو له امله تر ټولو سخت زیان دوی ویني.
د پښتونخوا او بلوچستان فعالین وایي، چې د دغه سیمو شتمني هم د کلونو کلونو راهیسې د پنجاب په واک کې ده او دوی تل د خپلو شتمنیو څخه محروم ساتل شوي دي.
د بلوچستان او پښتونخوا فعالین د خپلو سیمو اوسیدونکو څخه غوښتنه کوي، ترڅو د پاکستان د یادو کړنو پر وړاندې ودریږي او د خپلو شتمنیو په واک کې اخیستلو لپاره هر ډول مبارزې ته ادامه ورکړي.
د یادونې وړ ده، چې دا مهال پاکستان د خپلو ناسمو حکومتي تګلارو او کورنیو امنیتي ستونزو له امله تر بل هر وخت په سخت حالت کې قرار لري، چې یاد حالت د عامه پاکستانیانو د سخت غبرګون سره مخامخ شوی دی.
