د واشنګټن پوست د راپور له مخې، د امریکا ځانګړی استازی سټیو وېټکاف د ایران د بهرنیو چارو وزیر عباس عراقچي سره د جمعې په ورځ په استانبول کې د اټومي هوکړې د ممکنه خبرو لپاره لیدنه کوي. هدف یې د دواړو هېوادونو ترمنځ د احتمالي جګړې مخنیوی دی.
د راپور له مخې، څو سیمهییز هېوادونه هڅه کوي چې د دې خبرو په منځګړیتوب کې برخه واخلي. په دې هېوادونو کې ترکیه، قطر، مصر، سعودي عربستان، عمان او پاکستان شامل دي. همدارنګه، د امریکا د ولسمشر ډونالډ ټرمپ زوم او سلاکار جرډ کوشنر هم په دې غونډه کې د ګډون پلان لري.
سیمهییز چارواکي وايي، د خبرو لومړنی تمرکز به یوازې د ایران پر اټومي پروګرام وي تر څو تهران د هوکړې لپاره وهڅول شي. وروسته به د واشنګټن د غیر اټومي غوښتنو د حل لپاره د لارو موندلو هڅې وشي.
یوه امریکایي چارواکي واشنګټن پوسټ ته ویلي: “ټرمپ غواړي دواړه خواوې هوکړه وکړي، خو خبرداری یې ورکړی که خبرې ناکامه شي، پایله به یې ناوړه وي.”
دغه غونډه د سیمهییزو او نړیوالو فشارونو تر اغېزې لاندې ترسره کېږي، چې موخه یې د ایران د اټومي پروګرام د لانجې حل او د احتمالي پوځي برید مخنیوی دی.
