د افغانستان کرکټ بورډ د ۲۰۲۶ز کال اسیايي لوبو لپاره د افغان ابدالیانو ۱۵ کسیزه لوبډله اعلان کړه، چې مشري یې درویش رسولي کوي.
په لوبډله کې درویش رسولي، اسحاق رحیمي، حسن عیسیخېل، محمد اکرم، عمران میر، خالد تڼیوال، نجیبالله ځدراڼ، فیصل شینوزاده، فرمان ساپی، کریم جنت، عصمت عالم، ننګیال خروټی، عرب ګل، فریدون داودزی او عبدالله احمدزی شامل دي.
د ۲۰۲۶ اسیايي لوبې د جاپان په ایچي او ناګویا ښارونو کې د سپټمبر له وروستیو څخه د اکتوبر تر لومړۍ اونۍ پورې ترسره کېږي. افغانستان به له جاپان او نیپال سره سیالۍ ترسره کړي.
افغانستان تېر پړاو کې د سپینو زرو مډال ګټلی و.
